Er Karl súr fyrir hönd andstæðinga kvótans?

Hefði Karl V. Matthíasson sagt eitthvað ef Morgunblaðið hefði farið alfarið í hendur „lítils hóps talsmanna“ ESB aðilar.
Er ekki allt of snemmt að fara að spá í skoðanir kaupenda Moggans.

Hvaða tilgangi þjóna þessar vangaveltur mannsins? Er hann súr vegna þess að hann er hluti af litlum hópi andstæðinga kvótakerfis í sjávarútvegi?

Aðstæður hefðu örugglega verið aðrar hefði hann safnað liði og peningum og keypt Moggann. Eflaust hefði þá einhver annar þingmaður staðið upp og kvartað yfir ESB skoðun Karls og félaga hans.

Að minnsta kosti er allt of snemmt að tjá sig um skoðnir þessa fólk sem nú hefur keypt Moggann. Hver í ósköpunum segir að Mogginn eigi að verða einhver brjóstvörn fyrir kvótakerfið?

Fyrir mitt leyti fagna ég því bara að blaðið var ekki sett á hausinn. Til þess er það alltof mikilvægt fyrir þjóðmálaumræðuna hér á landi.

Gagnrýnir kaup sjávarútvegsmanna á Morgunblaðinu

Athugasemdir

[Liberal, 26.2.2009 kl. 11:18]

Usssss.... það er nokkuð ljóst að þessi ágæti þingmaður er ekki sáttur við að hér á landi sé frjáls fjölmiðlun nema sú frjálsa fjölmiðlun einskorðist við þær skoðanir sem eru einu fjölmargra flokksbrota Samfylkingarinnar þóknanlegar.

Í huga hans virðist það versta sem gæti komið fyrir vera að umfjöllun skapist sem er gagnrýnin og jafnvel ósammála guðspjalli Samfylkingarinnar í ESB málum.

[Sigurður Sigurðarson, 26.2.2009 kl. 12:06]

Sæll nafni.  Er það ekki bara ágætt að Karl varpi þessu fram?  Voru þeir sem gagnrýndu eða gerðu athugasemdir við upphaf Baugsmiðla ekki líka rakkaðir niður? 

Þetta er virðingarverð skoðun þó allir séu ekki sammála.   Það verður fróðlegt að fylgjast með þróun mála hjá Mbl. og sjá hvað kvótapólitík eða bara pólitík yfir höfuð verður á borðum þeirra.

[Fannar frá Rifi, 26.2.2009 kl. 12:22]

er ekki kominn tími á það að allavega einn fjölmiðill á Íslandi sé ekki ESB sinnaður?