Veikur sem launþegi, frískur sem verktaki

Mér finnst framkvæmdastjóri St. Jósefsspítala skuldi skýringar á þessu fyrirkomulagi. Hvernig í ósköpunum getur það verið að menn komist upp með að raka saman fé fyrir læknisstörf en á meðan hafa hjúkrunarfræðingar, sjúkraliðar og annað starfsfólk smánarlaun fyrir sinn hlut.

Eru afköstin bara læknanna? Komu aðrir þar hvergi nærri?

Er það líka rétt að við þennan sama spítala hafi starfað læknir sem verktaki, hann hafi veikst og á meðan veikindum stóð hafi læknirinn verið munstraður sem launþegi svo hann gæti hirt laun í veikindum sínum, en eftir að hann náði fullri heilsu hafi hann komið aftur til starfa sem verktaki.

Þetta þykir mér kostuleg saga. Hún afsannar það sem oft er sagt að ekki verði bæði haldið og sleppt.


mbl.is Eignarhaldsfélög í veikindaleyfi.
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Adda Þorbjörg Sigurjónsdóttir

Það er þetta sem við sjálfstæðismenn höfum verið að telja upp sem rök fyrir einkarekstri með eftirliti og reglugerðum í fjölda ára.Það hefur aldrei mátt taka á þessum málum í tíð framsóknarmanna í Heilbrigðisráðuneytinu. Ekki voru lætin minni þegar Guðlaugur Þór ætlaði að fara að taka til. Hingað til hefur hér þrifist versta gerð einkarekstrar í tugi ára í skugga þeirra firru að ekki eigi að leifa einkarekstur. Komum einkarekstrinum upp á yfirborðið og setjum á hann bönd og reglur. Læknar hafa margir yfir að ráða fjölda rúma og láta sem þeir eigi spítalana sem þeir vinna á og blanda saman hagsmunum sínum og þjóðfélagsins. Þeir starfa á eigin vegum á sama tíima og þeir eiga að vera í launaðri vinnu og jafnvel fellur allur kostnaður á stofnanirnar. Tek það fram að ég hef ekki hugmynd um að þetta sé raunin á St. Jóseps.

Adda Þorbjörg Sigurjónsdóttir, 19.2.2009 kl. 15:28

2 Smámynd: S i g u r ð u r   S i g u r ð a r s o n

Sammála. Koma þessu upp á yfirborðið, setja reglur og hafa eftirlit.

S i g u r ð u r S i g u r ð a r s o n, 19.2.2009 kl. 16:03

3 Smámynd: Billi bilaði

Já, Adda. Þið viljið frekar einkavæða allt, og koma hlutunum enn frekar í kaldakol, heldur en að taka slaginn við hækjuflokkinn og setja þeim stólinn fyrir dyrnar og laga málin almennilega. Svei ykkur.

Billi bilaði, 19.2.2009 kl. 17:53

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband