Tveir ráðuneytisstjórar á fullum launum

Er það traustvekjandi þegar stjórnmálamaður sem skyndilega verður ráðherra noti fyrsta tækifæri til að hreinsa út úr ráðuneytinu „óæskilega“ starfsmenn?

Maiðað við þann skamma tíma sem er til kosninga má fullyrða að þessi gerningur fjármálaráðherra er tómt rugl. Til viðbótar greiðir ráðuneytið tveimur ráðuneytisstjórum laun.

Ástæðan er örugglega sú að fráfarandi ráðuneytisstjóri er sagður Sjálfstæðismaður. Sama er með ráðuneytisstjórann í lanbúnaðar- og sjávarútvegsráðuneytinu. Verður hann þvingaður til að taka pokann sinn? Verður kannski starfsmönnum ráðuneyta gert að lýsa yfir stuðningi við Vinstri grænna eða hætta ella störfum?

Indriði verður ráðuneytisstjóri tímabundið

Athugasemdir

[Einar Solheim, 5.2.2009 kl. 16:43]

Ég held reyndar að þetta sé ekki af því að hann er "sjálstæðismaður", heldur út af því að hann átti vafasöm viðskipti með hlutabréf í bönkunum stuttu fyrir fall þeirra. Þetta er því hluti af þeirri "hreinsun" sem talað hefur verið um.

Telur þú annars að Indriði sé eitthvað annað en sjálfstæðismaður?

[Flosi Kristjánsson, 5.2.2009 kl. 17:10]

Indriði er Mýrdælingur og Skaftfellingur í fyrsta og öðru lagi; glöggur maður og rökfastur í þriðja og fjórða lagi.

[Guðmundur Björn, 5.2.2009 kl. 18:54]

Hann er líka með ruglaðar hugmyndir í skattamálum.