Hver er þessi Guðni Felds?

Til að halda spennunni er ég enn að hugsa um að bjóða mig fram til forseta. Set það ekkert fyrir mig þó enginn hafi heyrt mín getið og ég hafi alla tíð reynt að vera sennilegur.

Feldurinn fer mér vel og hugsanlegt að ég verði undir honum þar til í haust. Það gerir sosum ekkert til.

Nú er ég eiginlega að tína saman spakleg orð til að nota í kosningabaráttunni. Pant nota allt sem hljómar vel og lítur fagurlega út á prenti.

Hver eru annars þessi Sigrún og Guðni Felds? Eru þau hjón sem ætla að bjóða sig fram til forseta maka hans. Mér finnst hann svo líkur kallinum sem ber út Fréttablaðið heim til mín.

Sigrún og Guðni enn að meta stöðuna

Athugasemdir

[Sigurður I B Guðmundsson, 25.4.2016 kl. 22:24]

Úr hvaða efni er þessi feldur??

[Jón Steinar Ragnarsson, 25.4.2016 kl. 23:16]

Guðni Feldman fer vel. Ekki leiðinlegt að vera í ætt við grínarann stóreygða, Marty Feldman.

Guðni reitir annars af sér atkvæðin eins og frekast má áður en hann skriður undan brekáninu. Skítkast og hreytingar út í Ólaf daglegt brauð. Vond taktík að drulla yfir andstæðinginn en eiga svo ekki orð um eigið ágæti.

[S i g u r ð u r S i g u r ð a r s o n, 26.4.2016 kl. 00:04]

Góð spurning, nafni. Ætli það sé ekki feldur af sauðkind eða einhverju öðru húsdýri.

Ég var að reyna að vera fyndinn í pistlinum, Jón Steinar. Alltaf þegar ég reyni misheppnast eitthvað vegna þess að ég man ekki eftir því augljósasta. Auðvitað er Guðni Feldman. Hann er allaf undir feldi rétt eins og Lennon og Yoko í Amsturdammi forðum dag.

[Jón Steinar Ragnarsson, 26.4.2016 kl. 02:31]

Spurning hvort Eggert feldskeri geti rofið þessa vist.