Rannsóknarnefnd um skattaskjól verður pólitískar nornaveiðar

Rannsókn vegna skattaskjóla íslenskra ríkisborgara eða fyrirtækja er best komin hjá skattafyrirvöldum og rannsóknarlögreglu. Alþingismenn er varla sérfræðingar í skattamálum.

Hætt er við því að rannsóknarnefnd sem Alþingismenn skipa verði fyrst og fremst pólitísk nefnd og gagnslaus í þeim efnum. Sama er þó þingið skipi rannsóknarnefnd skipaða utanþingsmönnum. Þetta verður alltaf pólitísk nefnd sem stunda munu nornaveiðar og brennur á torgum.

Skynsamlegast er að halda sig við stofnanir íslenska lýðveldisins sem sérhæfa sig í rannsókn á lögbrotum.

Raunar sjá allir í gegnum svona tillögu. Hún er sett fram af pólitískum hvötum, síst af öllu til að leiða fram sannleikann og koma skattsvikurum fyrir dóm.

Spurðu út í rannsóknarnefnd

Athugasemdir

[Guðmundur Ásgeirsson, 20.4.2016 kl. 18:50]

"Rannsókn vegna skattaskjóla íslenskra ríkisborgara eða fyrirtækja er best komin hjá skattafyrirvöldum og rannsóknarlögreglu."

Þessu er ég hjartanlega sammála. Þess vegna ætti frekar að spyrja skattrannsóknarstjóra að því hvernig staða þeirra rannsókna sé hjá embættinu? Hvers vegna hefur til dæmis ekkert komið út úr neinum rannsóknum á þeim gögnum sem skattrannsóknarstjóri hefur nú þegar undir höndum með nöfnum hundruða Íslendinga sem hafa verið með viðskipti í skattaskjólum, og hvenær megum við vænta þess að fá að vita eitthvað um niðurstöður þeirra rannsókna?

[S i g u r ð u r S i g u r ð a r s o n, 20.4.2016 kl. 20:02]

Stundum erum við sammála, Guðmundur. Já, ég vildi gjarnan vita um stöðu mála hjá skattrannsóknarstjór. Hins vegar ber ég fullt traust til embættisins og veit að þar er vel unnið þó starfsmenn mættu víst vera fleiri, að því er mér skilst. Um síðir koma öll kurl til grafar, vona ég.

[Guðmundur Ásgeirsson, 20.4.2016 kl. 20:59]

Það er gott að við séum stundum sammála. :)

Ástæðan fyrir því að ég tel skattrannsóknarstjóra þurfa að svara fyrir þetta, er meðal annars sú að eftir að embættið hafði fengið þann fyrsta af umræddum nafnalistum afhentan, sendi ég erindi þangað og óskaði eftir að fá afhent afrit af listanum. Þeirri beiðni var hafnað, og ein af meginástæðunum sem voru tilgreindar fyrir því var að það ætti að nota þá við rannsókn sakamála og því væri hætta á að rannsóknarhagsmunir færu forgörðum ef þeir yrðu gerðir opinberir. Það eru svosem eðlileg rök, en bara svo lengi sem fullyrðingin sem þau byggjast á sé rétt þ.e. að það standi raunverulega til að nota gögnin til rannsóknar sakamála. Ef það er hinsvegar ekki um neitt sakamál að ræða sem stendur til að rannsak, þá er um falska forsendu að ræða og rökin fyrir synjunni halda þá ekki vatni.

Annaðhvort á að rannsaka þessi afbrot eða ekki, og ef ekki á að rannsaka þau hlýtur að verða að útskýra það sérstaklega.

[Gunnar Heiðarsson, 20.4.2016 kl. 21:58]

Ef reka á lokanaglann í þá kistu sem réttarkerfið okkar hefur verið lagt í síðustu daga, þá samþykkir Alþingi rannsóknarnefnd.

Ef við viljum byggja upp réttarkerfið aftur, eftir hnignun þess að undanförnu, ef við viljum reisa réttarkerfið við, þá látum við þær stofnanir lýðveldisins sem byggðar hafa verið upp til slíkra rannsókna sjá um málið.

Þetta er ekki flókið, einungis spurning hvort við viljum réttarkerfi byggt á lögum eða hvort við viljum að dómstóll götunnar taki hér völdin.

[Guðmundur Ásgeirsson, 21.4.2016 kl. 22:23]

Gunnar, ertu þá að meina Lindargötu?