Orðskrípið -valkostur-

Ólafur heitinn Odds, íslenskukennari í MR, strikaði einhverju sinni sem oftar með rauðu í ritgerð hjá mér. Með rökum hélt hann því fram að það sem hafði skrifað, „valkostur“, væri marklaust orð. Það væri samsett úr tveimur orðum sem þýddu hér um bil það sama. Svona álíka vitlaus samsetning og bílaleigubíll eða hestvagnshestur ...

Ekki náði Ólafur að kenna nægilega mörgum til að geta útrýmt þessu orðskrípi. Þess var líklega enginn kostur og um það hafði hann ekkert val. Þar af leiðandi hangir það inni, mörgum gömlum nemendum hans Óla til mikilla leiðinda.

Athugasemdir

[Rafn Haraldur Sigurðsson (IP-tala skráð) 26.9.2013 kl. 17:37]

Nokkuð til í þessu hjá þér, en hvaða annað orð myndir þú nota fyrir orðið Bílaleigubíll?

[S i g u r ð u r S i g u r ð a r s o n, 26.9.2013 kl. 17:42]

Hef ekki hugmynd, Rafn. Leigubíll væri rökrétt en það er bíll sem leigður er með bílstjóra og því ef til vill frátekið. Spyrja má hvort taxi hafi öðlast þegnrétt í málinu og gæti verið haft um bíl sem leigður er með bílstjóra. Eða er hægt að deilda orðinu leigubíll á milli tveggja atvinnugreina?