Ofbeldi er aldrei réttlætanlegt

Allt ofbeldi á að fordæma. Sá sem beitir ofbeldi til að koma skoðun sinni á framfæri gerir lítið úr málstað sínum, raunar eyðileggur fyrir honum.

Einhverjir kunna að halda því fram að eggjakast sé í raun ekki ofbeldi heldur jafnvel  „tjáningarmáti“. Þetta er alrangt. Hvar á að draga línuna ef ekki við núllpunktinn? Allt sem meiðir, skemmir eða eyðileggur er ofbeldi.

Afneitum ofbeldi, sýnum og sönnum að hægt sé að mótmæla með rökum. Mætum að öðrum kosti við Alþingishúsið og verjum löglega kjörið Alþingi og ríkisstjórn hversu mikið sem við erum á móti stjórnmálamönnunum eða ráðherrunum.

Ég er harður andstæðingur ríkisstjórnarinnar og meirihluta hennar. En drottinn minn dýri, ég skal fram í rauðan dauðan verja stjórnskipulag lýðveldisins gegn ofbeldi. Hins vegar á ég nóg af rökum til að leggja þessa ríkisstjórn.

Eggjum kastað í þingmenn

Athugasemdir

[Róbert Tómasson, 1.10.2011 kl. 11:38]

Algjörlega ósammála þér Sigurður varðandi eggjakastið, stundum þarf því miður að sparka í afturendann á fólki svo það skilji. Sorglegt samt að það þurfi að koma til þess, öðru hjá þér er ég hjartanlega sammála.

kv. Róbert

[S i g u r ð u r S i g u r ð a r s o n, 1.10.2011 kl. 11:43]

Bestu þakkir fyrir innlitið, Róbert.

Í mínum huga er óvíst að sá sem fær spark í afturendann taki því á þann hátt sem ætlað er. Ofbeldi býr einfaldlega enn meira ofbeldi.

[Teitur Haraldsson, 1.10.2011 kl. 11:58]

Það er búið að beita rökum, skoðanakannanir eru löngu búnar að fella þessa ríkistjórn, hún ríkir samt enn í krafti valds.

Þetta er því miður algjörlega rangt hjá þér, ofbeldi er oft nauðsyn.

[S i g u r ð u r S i g u r ð a r s o n, 1.10.2011 kl. 12:00]

Mikið óskaplega finnst mér viðhorf þitt sorglegt, Teitur. Hvar byrjar ofbeldi og hvernig á að hætta því?

[Óskar Helgi Helgason (IP-tala skráð) 1.10.2011 kl. 12:38]

Heill og sæll Sigurður; sem og aðrir gestir, þínir !

Áttu Rússneskir Hvítliðar; gengnir félagar mínir, að taka á Lenín hyskinu, með einhverjum Silkihönskum, á sínum tíma, jafnvel ?

Ígrundaðu; ögn betur, hið raunverulega ástand samfélagsins, áður en þú viðheldur einhverju friðsemdar hjali, eins og málum er nú komið, hér; á Ísafoldu, Sigurður minn.

Tími til kominn; að hlutir verði leiðréttir hér - og Alþýðan fái eignir sínar til baka, sem burgeisa- og valdastétt ALLRA 4ra flokka, hefir stolið af landsmönnum, árin löng.

Með beztu kveðjum; öngvu, að síður /

Óskar Helgi Helgason 

[S i g u r ð u r S i g u r ð a r s o n, 1.10.2011 kl. 12:43]

Sæll Óskar. Við skulum leiðrétta eignatilfærslu frá heimilum til fjármálastofnana á friðsaman hátt. Ég treysti mér til þess en mun aldrei taka þátt í ofbeldi. Leiðin er einföld, hörð og stöðug mótmæli. Ertu tilbúinn í það ...?

[Óskar Helgi Helgason (IP-tala skráð) 1.10.2011 kl. 12:55]

Sælir; á ný !

Sigurður; ágætur síðuhafi !

Árin telja á okkur; eftir því sem aldur færist yfir - og ekki víst, að okkur eldra fólk (ég; á 53.), hafi það úthald - sem snerpu, til þess að sjá árangur, friðsamlegra aðgerða.

Þó svo; ég fallist á það sjónarmið þitt, að reyna megi þá leið í fyrstu, ágæti drengur.

Með; ekki síðri kveðjum - en þeim fyrri /

Óskar Helgi Helgason 

[S i g u r ð u r S i g u r ð a r s o n, 1.10.2011 kl. 13:02]

Takk fyrir, Óskar Svarthamar.

[Óskar Guðmundsson, 1.10.2011 kl. 13:34]

Af hverju hendir fólk ekki gólfkúlum?

Æjjæa... það þarf þær til að leika sitt 250þ. á ári króna hobbí

[Ásgrímur Hartmannsson, 1.10.2011 kl. 16:56]

Friðsöm mótmæli munu ekki virka á fólk sem ríkir í krafti ofbeldis.

Það er ekki verið að beita nógu miklu ofbeldi, og ég sé ekki að fólk hafi geð í sér ennþá til að beita nógu miklu ofbeldi.

Ef beiting ofbeldis færir þér bara meira ofbeldi, er ljóst að þú hefur ekki beitt nógu miklu ofbeldi.

[Anepo, 1.10.2011 kl. 18:23]

Rosaleg kerling ertu Sigurður.

Ertu búinn að gá hvort þú sért með píku?

Að minnsta kosti vantar karlmennskuna!

hvað mundu allir hinir dauðu segja sem hafa dáið vegna hrunsins?

Þeir snúa sér nú í gröfinni og hrækja í áttina að þér.

[S i g u r ð u r S i g u r ð a r s o n, 1.10.2011 kl. 18:28]

Þá held ég sé nú bara tími til kominn að afhenda konum alla stjórnartauma sé ofbeldi hið eina sem við karlar getum lagt til í aðstæðum sem þessum.

[Teitur Haraldsson, 1.10.2011 kl. 19:01]

Hversu oft má slá þig niður áður en þú slærð á móti?
Hversu oft má slá þá sem eru nærkomnir þér áður en þú slærð á móti?

Eru kannski engin takmörk og á endanum myndir þú og þínir allir liggja dauðir?

[Laxinn, 1.10.2011 kl. 19:14]

Ofbeldið er að sönnu villimannalegt, en þó má ekki gleyma því að þar sem engin formleg leið er í boði til að fella ríkisstjórnina þá endar gremja fólksins ætíð í svona sirkus. Ef raunverulegt lýðræði væri hér þá væri almenningi gert á einhvern hátt kleift að "reka" ríkisstjórnina og knýja fram konsningar. Til dæmis væri hægt að setja í stjórnarskránna klausu um það að ef vilji 3/4 kjósenda lægi fyrir þá yrði Alþingi að bjóða til kosninga.

En á meðan ekkert slíkt úrræði er til þá verður þetta því miður sá raunveruleiki sem við munum búa við.

[Vilhjálmur Stefánsson, 1.10.2011 kl. 21:15]

Ég held að Árni þór Sigurðsson hafi ekkert skemst af þessu eina eggi,ef svo hefur verið þá verður maður athuga það að hann var mjög skemdur fyrir...

[Gunnar Waage, 2.10.2011 kl. 16:59]

Hver er munurinn á eggjakasti og snjókasti ? Og hver hefur ekki farið í snjókast við börnin sín ?