Hvað varð um fyrirtæki sem fengu afskriftir skulda?

Bankar og fjármálafyrirtæki afskrifa ekki skuldir af einskærri góðmennsku. Eitthvað annað býr að baki. Þess vegna vaknar sú spurning við lestur fréttarinnar hvað orðið hafi af þeim fyrirtækjum sem fengu skuldir afskrifaðar.

Hættu þau rekstri? Urðu þau gjaldþrota? Tóku bankar og fjármálastofnanir fyrirtækin yfir? Eða eru þau í fullum rekstri og í samkeppni við þau sem enn berjast við skuldaklyfjar sínar?

Þetta eru grundvallarspurningar. Þó ótrúlegt megi virðast eru enn fjöldi fyrirtækja í rekstri sem stóðust hrunið og afleiðingar þess. Mörg þeirra hafa ekki fengið neinar afskriftir skulda og raunar ekki boðið upp á slíkt. Þetta hefur skekkt samkeppnisgrundvöllunni. Ekki er þörf á að útskýra hvernig skuldsettum fyrirtækjum gengur í samkeppni við þau sem bankar og fjármálastofnanir hafa tekið yfir og straumlínulagað skuldasstöðu þeirra. 

Fengu 170 milljarða afskrifaða

Athugasemdir

[Marinó G. Njálsson, 23.9.2011 kl. 11:28]

Rétt er það, að bankar og fjármálafyrirtæki afskrifa ekki skuldir af góðmennsku, en mér sýnist hin andlitslausa eftirlitsnefnd falla í sömu gryfju og ýmsir aðrir að eigna nýju bönkunum afskriftir krafna sem átti sér stað í gömlu bönkunum.

[Ingibjörg Guðrún Magnúsdóttir, 23.9.2011 kl. 11:29]

Já þetta er eiginlega spurnig sem verður að svara...

Er verið að segja okkur frá fyrirtækjum sem búin eru að leggja upp laupana og þessar afskriftir þar með settar í fínan búning...

[S i g u r ð u r S i g u r ð a r s o n, 23.9.2011 kl. 11:41]

Takk fyrir innlitið bæði tvö.

Ég var eiginlega með tvennt í huga. Annars vegar hvort afskriftirnar hafi verið eins og Marinó segir og hins vegar hvort um sé að ræða afskriftir fyrirtækja sem hætt hafa rekstri, t.d. gjaldþrota eða yfirtekinna.

Afkskriftir eru einfaldlega leið til að leiðrétta bókhaldslega stöðu fjármálastofnunarinnar vegna taps á útlánum. Um það fjallar fréttin. Ekkert annað. Enga góðmennsku, bara venjubundin harðlínu bankaviðskipti.

Hefur annars einhver heyrt um að fjármálastofnun hafi ákveðið að stuðla að styrkara atvinnulífi með því að fella niður skuldir að hluta eða öllu leyti?

[Morfeus, 23.9.2011 kl. 13:49]

"Samkvæmt lögunum má nefndin ekki upplýsa um nöfn þeirra fyrirtækja sem hafa fengið skuldir afskrifaðar"

Ég held þetta ákvæði segji allt sem segja þarf um hvernig líta skuli á tölurnar.

Ef ekki er hægt að staðreyna og staðfesta ... þá eru allar yfirlýsingar "túlkanlegar".

[Sigurður Haraldsson, 25.9.2011 kl. 07:08]

Hvar varð um allt upp á borðið?