Dómstóll götunnar í boði ríkisins ...

Margir hafa tekið eftir því hversu oft Ingibjörg Sólrún Gísladóttir, fyrrverandi formaður Samfylkingarinnar, hefur reynst vera glöggskyggn á þjóðlífið þaðan sem hún nú stendur á hliðarlínunni.

Hún gagnrýnir saksóknara Alþingis með fáum en meitluðum orðum og í þeim er kjarni málsins falinn:

Hvernig dettur henni í hug að ákæruvaldið sé rétti aðilinn til að halda úti trúverðugri vefsíðu um landsdómsmálið? Og svo býðst hún til að gera þar grein fyrir sjónarmiðum hins ákærða!

Um þetta dæmalausa og ótrúlega mál er varla fleira að segja nema ef til vill sú grunsemd sem læðist að svo mörgum að upphefð saksóknara hafi einfaldlega stigið henni til höfuðs og ruglað dómgreindina. Sé svo er ekki við góðu að búast á öðrum sviðum málareksturs hennar gegn fyrrverandi forsætisráðherra.

Saksóknari tapað áttum?

Athugasemdir

[Einar Guðjónsson, 4.6.2011 kl. 12:55]

Dómstóll götunnar er nú varla rétta orðið en auðvitað vantar Ingibjörgu á bekk sakborninga en breytir ekki þeirri staðreynd að þau keyrðu hér allt í kaf gegn betri vitund og ekkert að því að réttarhöld yfir Haardeman séu opin eins og þau eru yfir þeim sem stela kjötlæri.