Einbreiðar brýr, mjóri vegir án vegaxla ...

Vegagerðin hefur svo sannarlega reynt að spara. Allir þekkja einbreiðu brýrnar, góður sparnaður það. Enn eru til vegkaflar þar sem vegir eru með bundnu slitlagi um miðbikið en ekki til hliðanna. Mikill sparnaður er í því fólgið.

Kunnugt er að vegir fara mjókkandi eftir því sem lengra dregur frá suðvesturhorni landsins. Skynsamlegur sparnaður það.

Vegaxlir eru örmjóar á vegum víðast hvar um landið og það hlýtur auðvitað að draga úr umferðarhraða eða hvað? Sparnaðurinn er alveg ótvíræður.

Sú staðreynd að enn sé til Vegagerð ríkisins bendir eindregið til þess að þjóðin hafi ekki komist af frumstigi í vegagerð. 

Dýrustu leiðirnar ekki alltaf öruggastar

Athugasemdir

[Sigurður Ingólfsson, 16.12.2010 kl. 20:19]

Sæll nafni.

Hvað finnst þér um lagningu Suðurstrandarvegar og það að leggja hann sunnan Hlíðarvatns í stað þess að hafa hann á svipuðum stað og gamli vegurinn er nú. Þar stöðvar fólk iðulega til útiveru en verður nú beint til strandar. Og hvað með allan kostnaðinn við hann sem er helst er gerður fyrir fiskflutninga og stöku ferðamenn? Það hefði verið hægt að laga svo ótalmargt sem þú bendir á fyrir andvirði þessa ólánsvegar sem hefði mátt gera á miklu ódýrari máta.

[S i g u r ð u r S i g u r ð a r s o n, 16.12.2010 kl. 23:50]

Ég hélt að hann ætti að vera norðan við Hlíðarvatn en man það nú að í vor voru framkvæmdir komnar rétt við vegamótin suður að Strandakirkju. Getur ekki verið að með því að fara sunnan við vatnið styttist vegurinn og þá opnist nýtt útivistarsvæði? Allt er þetta stórkostlega fallegt land ekki síst bruninn í hlíðinni. er það ekki rétt hjá mér að hraunið hafi komið úr Grindaskörðum? Líklega eru eldri hraun þarna út um allt og þá komin annars staðar frá.

[Sigurður Ingólfsson, 17.12.2010 kl. 11:08]

Nú er ég ekki sérfróður um hraunrennsli frá hlíðinni en mér finnst illa farið með fjármuni ( blankrar þjóðar ! ) að setja þá í veg með næstum hraðbrautarstaðal en þó aðeins tvíbreiðan. Alla vega er fullgerði kaflinn að Selvogi þannig . Þarna verður sáralítil umferð og bíður þessi leið því upp á hættulegan hraðakstur. Þarna hefði átt að vera áfram, að mínu mati, vegur með svipaðan gæðastaðal og er nú en auðvitað með slitlagi og á sama stað. Þarna er allsstaðar hægt að stoppa,skoða mjög fallega náttúru í stað þess að bruna suður með sjó.