Hvar er girðingin?

Lögregla og almannavarnir hótuðu því um daginn að setja upp girðingu á Fimmvörðuhálsi. Ekki veit ég hvort hún er komin á staðinn eða hvort þessir aðilar hafi nú heykst á framkvæmdinni. Tel ég það líklegast.

Staðreyndin er bara sú að vilji einhverjir fara sér að voða á hrauninu þá gera þeir það hvort sem lögreglan eða björgunarsveitir eru að flækjast fyrir eða ekki. Það eina sem hægt er að gera er að upplýsa fólk, segja frá hættunni.

Svo væri ekki úr vegi að löggan tékkaði stöku sinnum á því hvort stútur sé við stýrið á Fimmvörðuhálsi.

Fólk gengur á dúandi hrauninu

Athugasemdir

[Grefillinn Sjálfur - Koma svo! (IP-tala skráð) 8.4.2010 kl. 12:03]

Ég held ekki að það séu neinir strútar á Íslandi Sigurður minn.

[Guðjón Sigþór Jensson, 8.4.2010 kl. 12:46]

Sammála.

Er alveg orðlaus yfir léttúð landans. Er fólk með öllum mjalla? Gerir fólk sér almennilega ljóst hvaða hætta er á ferðum?

Mosi

[Einhver Ágúst, 8.4.2010 kl. 12:57]

Já og svo er hver einasti ísbjarnarræfill skotinn við fyrstu sýn hér á landi, en þarna er raunveruleg hætta á ferðum....skrítið.

Mér sýnist nú að náttúruöflin hafi drepið svolítið fleiri hér á landi en ísbirnir en alltaf er það aþannig með okkur mennina að við óttumst mest eitthvað óraunverulegt og föttum ekki að líta okkur nær.

[Skúli Víkingsson, 8.4.2010 kl. 13:25]

Sæll Siggi. Ég er alveg sammála þér. Það verðu ekki komið í veg fyrir slys af völdum glannaskapar með hertu eftirliti. Hert eftirlit er hins vegar til mikilla leiðinda, eins og þú hefur lýst.

Raunveruleg hætta á þessum slóðum er að fólk verði úti. Það hafa fleiri Íslendingar orðið úti en samanlagður fjöldi þeirra sem farizt hafa af völdum annarra náttúruafla. Þótt komið sé vor, ganga hretin enn yfir og allra veðra von.

Sigurður Þórarinsson sagðist alltaf vera í stígvélum þegar hann færi út á nýlega runnið hraun. Lyktin segði strax um það hvort hitinn væri of mikill.

[Ólafur Ingi Hrólfsson, 8.4.2010 kl. 15:30]

Fínt að sýna frá gosinu - að fara á bílum þarna upp er fásinna -

Fólk er að ganga út á nýtt hraun vegna þess að það dúar svo skemmtilega -

það gæti dúað niður úr - og hvað gerist þá - ??  þá öskra allir - hvar var lögreglan - hvar var hvar var -

ég spyr - hvar var skynsemi þessa fólks??

[Theódór Norðkvist, 8.4.2010 kl. 22:24]

Vitleysingar eru ekki frjálsir til að ganga á glóðum vegna þess að björgunarsveitarfólk og lögregla er ekki frjáls til að láta það afskiptalaust.

Þó einhverjir sandhausar vilji drepa sig eru aðrir í kringum þá ekki skyldugir til þess að vera samverkamenn þeirra og kunna að finna til ábyrgðar.

Þetta verða stjórnleysingjar að skilja.