Engin er þó froslyftingin og ekkert hrím

Sé vatn á tunglinu hvernig stendur þá á því að engin bein ummerki eru um það? Skilst að brunagaddur sé á þeim hluta sem ekki snýr að sólu en tiltölulega hlýtt þegar hún skín. Engin merki eru þó um frostlyftingu í jarðvegi, hvergi verður til neins konar uppgufun, enginn hefur nefnt ís eða hrím. Dreg ég þó ekki í efa þessar fréttir en datt þetta bara í hug

Vatn fannst á tunglinu

Athugasemdir

[Skorrdal (IP-tala skráð) 24.9.2009 kl. 15:28]

Einhverntíman heyrði ég þá kenningu að kjarni tunglsins væri úr vatni/ís. Kannski sé eitthvað til í þeirri kenningu eftir allt saman?

[S i g u r ð u r S i g u r ð a r s o n, 24.9.2009 kl. 15:32]

Þegar ég var afar ungur var sagt að tunglið væri allt úr tómum osti. Mér vitanlega hefur það ekki verið beinlínis afsannað.

[Skorrdal (IP-tala skráð) 24.9.2009 kl. 15:47]

Hehehehe. Það voru eflaust andstæðingar kúabænda í Evrópu sem héldu því fram!

Ég hef reyndar heyrt þá kenningu nokkrum sinnum áður - en hef ekki enn fundið staðfestingu á því að síðustu tunglverjar hafi tekið með sér kex, vínber eða sultur, síðast þegar þeir heimsóttu "tungl-ostinn"; hvað þá rauðvín!

En, til að vera sanngjarn, held ég þeir hafi heldur ekki tekið með séð kokteilhrysstara eða áfengi, til að nýta klakann sem þarna er... Og, af myndum, virtust þeir ganga á sementi...

[Rebekka, 25.9.2009 kl. 06:12]

Það er vegna þess að þetta er svo lítið vatn.  Eins og sagði í fréttinni þá er 1 lítri af vatni í einum rúmmetra af jarðvegi á tunglinu.  Það þýðir að vatnsmagnið sé 0.001 hluti af jarðveginum.  Ef ég skil Wikipedia rétt, þá hefur skraufþurr jarðvegur (http://en.wikipedia.org/wiki/Water_content) í sér 0.01 - 0.25 hluta af af vatni,  sem er mikið meira en vatnsmagnið á tunglinu.