Hafa kjósendur gleymt fortíð Katrínar og Vinstri grænna?

Fjögur ár eru frá því að Vinstri grænir fengu 10,9% fylgi í Alþingiskosningum og var þá grimmilega refsað fyrir veru sína í ríkisstjórn. Hún hafði háleit markmið.

Rifjum upp nokkur atriði og pælum svo í því hvort Vinstri grænum sé treystandi í ríkisstjórn.

1. Icesave I
2. Icesave II
3. Icesave III
4. Móti þjóðaratkvæðagreiðslu um aðild að ESB árið 2009
5. Samþykkti aðildarumsókn að ESB árið 2009
6. Kostnaður vegna ESB umsóknarinnar er talin hafa verið 3 milljarðar króna
7. Árnapálslögin (nr. 151/2010) til varnar fjármagnseigendum og gegn skuldurum
8. Lagðist ekki gegn loftárásum NATO á Líbýu
9. Samþykkti leyfi til olíuvinnslu á Drekasvæðinu
10. Veitti stóriðju á Bakka við Húsavík undanþágu frá skattalögum
11. Veitti ríkisábyrgð á Vaðlaheiðagöngum
12. Hefndardómsmál í Landsdómi gegn Geir H. Haarde, fyrrum forsætisráðherra
13. Hleypti Alþjóðagjaldeyrissjóðnum inn á gafl í stjórnarráði Íslands
14. Skattahækkanir á almenning í kjölfar hrunsins
15. Gerði ekkert vegna skuldastöðu heimilanna í kjölfar hrunsins
16. Ófrægingarherferðin gegn Ríkisendurskoðun vegna kaupa á bókhaldskerfi fyrir ríkið
17. Íslandsbanki gefinn kröfuhöfum
18. Arionbanki gefinn kröfuhöfum
19. Norðmaður ráðinn í embætti Seðlabankastjóra
20. Sparisjóður Keflavíkur, fall hans og endurreisn kostaði almenning 25 milljarða króna

Hvað skyldi hafa breyst frá því á þessum fjórum árum sem liðin eru sem réttlætir að VG fái nærri 30% fylgi í skoðanakönnunum?

Jú, Steingrímur þótti afar fráhrindandi í sjónvarpi og dró ekki fylgi að flokknum. Þess vegna var Katrín Jakobsdóttir munstruð upp og gerð að formanni. Hún er forkunnarfögur og brosir út í eitt og segir allt svo sennilega. Engu að síður stóð hún óhikað að öllum þessum átján málum sem talin eru upp hér að ofan.

Er Katrín svo traustvekjandi að kjósendur haldi að Icesave hafi bara verið ein mistök sem engu skipti. Samt voru þau þrjú, Icesave-málin. Í tvö skipti tapaði Katrin í þjóðaratkvæðagreiðslu sem haldnar voru gegn vilja hennar.

Gamalt íslenskt orðtak segir að oft sé flagð undir fögru skinni. Þó hér sé ekki ástæða til að vega að Katrínu Jakobsdóttur persónulega verður vart annað sagt en að fortíð hennar ætti að vera kjósendum víti til varnaðar.

Í dag styður hún öll góðu og fallegu málin. Hún segist styðja þjóðaratkvæðagreiðslu, en stóð þó grjóthörð gegn því að þjóðin fengi að segja álit sitt á aðildarumsókn að ESB.

Katrín er á móti leyndarhyggju ... Hver er það ekki? Hins vegar var hún gallharður andstæðingur ESB fyrir kosningarnar 2009 en daginn eftir þær var hún allt í einu hlynnt aðildinni, sem sagt hún og aðrir Vinstri grænir seldu sig fyrir ráðherrasæti. Árni Páll Árnason, fyrrum samráðherra Katrínar, segir að um það mál hafi verið samið í reykfylltum bakherbergjum.

Hún þykist núna vera málsvari almennings en stóð engu að síður gegn heimilunum með því að samþykkja Árnapálslögin sem voru samin þeim til höfuðs.

Katrín þykist vera friðarins maður og á móti styrjöldum. Hún hreyfði samt hvorki legg né lið þegar Ísland samþykkti loftárásir Nató í Líbíu og var hún þó ráðherra á þeim tíma.

Katrín stóð að því að einkavæða bankanna þegar þeir voru gefnir kröfuhöfum eftir hrunið en hefur þó alltaf sagst vera fylgjandi ríkiseigu á bönkum.

Já, gerum betur segja Vinstri grænir í auglýsingu í dagblöðum og birta mynd af Katrínu sem er óneitanlega mun kosningavænni, hárprúðari og laglegri en Steingrímur J. Sigfússon, fyrrverandi. Munum þó það að flestir samverkamenn Katrínar eru enn í aftursætunum, Steingrímur, Svandís Svavarsdóttir og Lilja Rafney. Ólíkt Katrínu er þetta þungbrýnda fólkið, sósíalistarnir, sem aldrei brosir, nema auðvitað þegar einhver meiðir sig.

Sá sem vill kjósa Katrínu kýs óheiðarleikann og fær í kaupbæti aftursætisbílstjóranna.

Athugasemdir

[Sigurður Kristján Hjaltested, 7.10.2017 kl. 14:03]

Sæll Halldór.

Ekki gleyma Sjóvá hneykslinu. Þar fóru nokkrir milljarðar.

Ef Íslendingar kjósa þessa óværu yfir sig sem VG er og

ekkert annað, þá er eitthvað mikið að þjóðinni. Hvernig er

hægt að gleyma einum  verstu 4 árum í íslenskri pólitík

þegar þetta lið, sem er algjörlega óstjórntækt, var við völd.?

Nú er hamrað, eins og þeirra er venja í kosningum, að níða niður

andstæðinga með allskonar djöfulsins kjaftæði sem þeir draga

upp með aðstoð RUV. Þetta er og hafa alltaf verið kosningartaktar

vesalinga sem hafa ekkert til málanna að leggja. Treysta á

að nógu svæsnar kjafta sögur, sem búið er fyrir löngu að gera hreint

fyrir, virki á almenning eins og það hefði skeð í gær.

Ég vona bara að íslendingar hugsi til þess, þegar kemur að

kosningum, hvað þessir þúsundir íslendinga myndu segja, sem í

kjölfar arfavitlausrar ákvarðanatöku hjá þessu liði olli

því að það þurfti að yfirgefa landið..??

Þökk sé VG og samfó.

Hversu margir í viðbót þurfa að yfirgefa komist þetta lið

aftur til valda...???

Hversu marga íslendinga er þjóðin tilbúin að fórna í 

viðbót til að sannreyna það að þetta eru flokkar stór

hættulegir þjóðinni..??

Á maður að trúa því að gullfiskamynnið sé svo stórt

að allir eru búnir að gleyma..???

Skjaldborg um heimilinn, allt uppi á borðum, lok lok

og læs og allt í stáli í 110 ár.

Gagnsæið algert.

Svo mikið hafa þau að fela að það þarf 110 ár

til að fela ósómann sem þau ollu.

Enginn forvitinn....???

[Jón Steinar Ragnarsson, 7.10.2017 kl. 16:25]

Sala Steingríms á Danska bankanum FIH, sem var veð fyrir 60 milljarða láni til bjargar Kaupþingi. Steingrímur og már seldu veðið vogunarsjóði á 75 milljarða og stærðu sig mikinn af. Vogunarsjóðurinn seldi bankann strax aftur á 1200 milljarða.

Ætli nokkuð muni nokkurntíman slá þessu við?