Náttúruhamfarir yfirvofandi vegna prófkjörs VG í NV kjördæmi

Vegna mistaka sem urðu við út­gáfu og út­send­ingu kjör­gagna, ákvað kjör­stjórn í Norðvest­ur­kjör­dæmi, í sam­ráði við formann flokks­ins, að senda út ný kjör­gögn með skýr­ari leiðbein­ing­um og að fram fari nýtt for­val hið allra fyrsta.

Svo segir á vefsíðu Vinstri grænna. Þessi flokkur hefur ásamt Samfylkingunni verið hvað ötulastur í samsæriskenningum og þá sérstaklega gagnvart „ljótu kapítalistunum, nýfrjálshyggjunni, kvótakóngum og heildasalamafíunni“.

Auðvitað tekur enginn mark á Vinstri grænum, í það minnsta afar fáum, enda er fylgið í 10%. Útilokað er að mistök hafi verið gerð, þau eru fyrirslátturinn og eru af stalínískum uppruna.

Staðreyndin er einfaldlega sú að flokksforustan sá sitt óvænna þegar Skagfirðingurinn Bjarni Jónsson bauð sig fram í prófkjöri flokksins í Norðausturkjördæmi.

Skagfirðingar, hvar í flokki sem þeir standa, eru þekktir fyrir umsvif sín og dugnað í stjórnmálum. Bjarni lætur sér ekki duga að lulla í framboð án undirbúnings. Hann, eins og aðrir úr þessum fallega firði, tekur til óspilltra málanna, safnar liði og nýtur liðsinnis föður síns, Jóns Bjarnasonar, sem var á síðasta kjörtímabili þingmaður og stórhættulegur þyrnir í síðu flokksforustunnar vegna afstöðu sinnar til ESB, Icesave og fleiri mála.

Vandinn er sá að fyrir á fleti er Vestfirðingurinn Lilja Rafney Magnúsdóttir, hægfara félagsmálakelling sem hafist hefur til metorða fyrir að fylgja flokksforustunni án þess að mögla yfir meintum svikum vegna ESB og Icesave eins og Jón Bjarnason gerði. Miklu viðráðanlegri kostur.

Þetta þolir flokksforustan ekki. Hún ætlar sér síst af öllu af fá þennan Jóns bur inn í þingflokkinn og eiga það á hættu sem þessi sósíalistaflokkur þurfti að endurlifa enn á ný sem gerðis á tíma hálfdauðu vinstri ríkisstjórnar Samfylkingar og VG, annum terrebilis.

Þess vegna er hætt við prófkjörið.

Katrín Jakobsdóttir, formaður, og Steingrímur, fyrrverandi, ætla nú að safna liði annars staðar í kjördæminu og koma í veg fyrir þá vá að Bjarni sonur Jóns komist þá þing. Búið er að hringja öllum bjöllum og blása í alla finnanlega herlúðra, senda reykjarmerki og morsa á milli fólks.

Vandinn er hins vegar sá að á meðan þau tvö og fleiri ráða ráðum sínum hefur Bjarni enn rýmri tíma til undirbúnings og liðssafnaðar. Úbbs ...

Líklega verður niðurstaðan algjör hervæðing VG í Norðvesturkjördæmi, allir sem vettlingi geta valdið verða dregnir á kjörstað eða kjörstaður dreginn til þeirra. Mun þá engu skipta hvort kjósendur séu meðlimir í VG eða ekki, sprellifanndi eða hálfdauðir. Tilgangurinn helgar meðalið

„Ég ætla sko ekki að fá annan Atla Gíslason í þingflokkinn hvað þá son Jóns ...“ er sagt að Steingrímur hafi frussað út úr sér í hleruðu símtali við Katrínu Jakobsdóttur. „Þetta eru náttúrhamfarir Kata, Áttarðu þig á því ... ha?“

Athugasemdir

[Halldór Egill Guðnason, 31.8.2016 kl. 17:53]

Gódur ;-)

[Ásthildur Cesil Þórðardóttir, 31.8.2016 kl. 20:44]

Reyndar heitir hún Lilja Rafney Sigurður minn. 

[S i g u r ð u r S i g u r ð a r s o n, 31.8.2016 kl. 21:43]

Jóla hvað ...?

[Ragnhildur Kolka, 1.9.2016 kl. 08:02]

Góður pistill og líkleg atburðarás.

[Ásthildur Cesil Þórðardóttir, 1.9.2016 kl. 10:05]

„Ég ætla sko ekki að fá annan Atla Gíslason í þingflokkinn hvað þá son Jóns ...“ er sagt að Steingrímur hafi frussað út úr sér í hleruðu símtali við Katrínu Jakobsdóttur. „Þetta eru náttúrhamfarir Kata, Áttarðu þig á því ... ha?“

Ef þetta er satt, þá sýnir það bara að' Steingrímur telur sig eiga flokkinn og alla sem í honum eru.  Og þá er nokkuð ljóst að Katrín er aftursætisbílstjórinn. 

[S i g u r ð u r S i g u r ð a r s o n, 1.9.2016 kl. 10:26]

Þetta er auðvitað haugalygi en er ekkert ósvipuð rangfærslum og hálfsannleika sem VG ber á borð fyrir almenning. Þessi flokkur hefur ekki öðlast sýn á hinn endanlega sannleika frekar en aðrir. Það sem gerir hann fyrirlitlegan er hin sósíalíska orðræða sem innifelur meðal annars hálfsannleika, innpakkaða lygi og baktal. 

Ef Bjarni Jónsson verður ekki í efsta sæti mun það benda til grunsemda um að fiktað hafi verið í kjörgögnum eða smölun hafi verið rosaleg. Ef þátttaka í prófkjörinu fer yfir 500 manns má mikið vera. Þá hefur flokksstjórnin tekið málið í sínar hendur.