Dagblöð eru skítleg ...

Mikið óskaplega eru dagblöð ógeðfelld. Til að fyrirbyggja misskilning á ég auðvitað við dagblöð sem prentuð eru á pappír.

Í morgun las ég Fréttablaðið. Á eftir þurfti ég að þvo mér um hendurnar, slík var prentsvertan sem berst á lesandann. Hvernig getur nokkur maður tekið lesið prentað dagblað? „Skítablað“, varð mér að orði og var alls ekki að hugsa um stórskrýtinn leiðara ritstjórans heldur „snertieintakið“.

Ég les Morgunblaðið daglega, er sem heitir netáskrifandi. Ég get lesið það í html formati eða pdf. Um daginn var prentað Morgunblað borið út í póstkassann minn, líklega í kynningarskyni Mér var starsýnt á eintakið enda ekki séð slíkt í marga mánuði. Gulleitur pappír og svarti liturinn gráleitur og myndirnar fjarri því að vera líkt þeim Mogga sem ég hafði lesið um morguninn í tölvunni minni. Sama á auðvitað við um Fréttablaðið og DV. Þetta eru skítleg blöð ...

Kostirnir við að lesa dagblöð og bækur í tölvu eru miklir. Leiðindi við prentaðan texta á pappír eru mikil.

 

Athugasemdir

[Valdimar Samúelsson, 1.11.2014 kl. 16:00]

Ég hefði tekið undir þetta hefir þú átt við há hinn háttinn en þessi frétta og blaðamanna geiri er orðin æði atkvæðamikill í þjóðfélaginu einum of, Svo mikið um það. 

[Már Elíson, 2.11.2014 kl. 12:05]

Mér finnst þú nálgast þetta svolítið eins og dekraður krakki sem býr í bómull í foreldrahúsum. - Alla tíð, eins og þú hlýtur að vita, hafa dagblöð verið prentuð á pappír og alla tíð hefur prentsverta fylgt því. - Mitt ráð til þín er að þvo þér um hendurnar á eftir (eins og ég geri) og skoða síðan muninn á innihaldi blaðsins og ágripanna í netútgáfum. - Þetta er tvennt ólíkt. - Blöðin, þá sérstaklega helgarblöðin eru full af greinum og frásögnum, landsbyggðarfréttum og fróðleik - hlutum sem þú finnur ekki í sömu útgáfum á netinu. - Eitt skal ég þó játa : Auglýsingasíðurnar eru nánast fleiri en lesefni blaðanna á tíðum.

Þetta er hins vegar að verða tímaskekkja að fylla póskassa af dýrmætum papírus, og rafrænt form er því miður framtíðin. - Við því er ekkert að gera. - Það breytir ekki auglýsinga-sóðaskapnum sem að vísu leggst ekki á hendur / fingur heldur í formi árasar á mnanninn sjálfan. - Það verðumn við að sía út sjálf sem áður.

[S i g u r ð u r S i g u r ð a r s o n, 2.11.2014 kl. 14:27]

Sæll Már. Skil þig ekki. Þú veist vonandi að prentaða útgáfu dagblaða er líka hægt að í tölvu, blaðsíðu fyrir blaðsíðu. Maður þarf ekki á prentuðu útgáfunni að halda, sparar bæði pláss og þvott.