Þróunaraðstoð fyrir fráfarandi þingmann

Almennt eru vinstri menn á þeirri skoðun að þingmenn eigi að taka afstöðu til mála samkvæmt sannfæringu sinni. Það sé svo óskaplega fínt, sérstaklega ef það veldur klofningi meðal hægri manna. Sambærilegur klofningur hjá vinstri mönnum er einungis merki um vanþroska.

Samt eru undantekningar frá sannfæringarstöðunni ef marka má Björn Val Gíslason, fráfarandi þingmann. Ekki má til dæmis vera á móti þróunaraðstoð. Það er ekki sannfæringarmál, heldur bara ljótt. Skiptir engu þó einhver haldi því fram að skynsamlegra sé að verja tuttugu og fjórum milljörðum króna í heilbrigðismál innanlands en þróunaraðstoð i útlöndum.

Það er niðurlægjandi fyrir þá þingmenn sem það gera, það er þeim til ævarandi skammar og það setur þingið niður.

Sannfæringarkrafturinn og eldmóðurinn streymir úr nösum hins fráfarandi þingmanns. Hefur einhverjum dottið í hug að þingmaðurinn gæti þurft sjálfur á þróunarstoð að halda?


mbl.is Deildu um afstöðu Vigdísar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Heimir Hilmarsson

Margir þingmenn hafa sett þingið niður undanfarið og Björn Valur er þar framarlega í flokki ef ekki með þeim fremstu að mínu mati.

Heimir Hilmarsson, 22.3.2013 kl. 14:26

2 Smámynd: Óskar

Sigurður, afstaða Vigdísar er ekki bara röng.  Hún lýsir mannvonsku, illu innræti, heimsku og fáfræði.  Svona lagað og svona fólk á ekki að sjást á alþingi.  Það sem verra er að þessi vitleysingur sem hefur daðrar við fasisma er ráðherraefni framsóknarflokksins sem nær örugglega verður í næstu ríkisstjórn.  Hafi einhverntimann verið ástæða til að biðja Guð að blessa Ísland þá er það núna.

Óskar, 22.3.2013 kl. 14:31

3 Smámynd: S i g u r ð u r   S i g u r ð a r s o n

Ég held að þið Vigdís séuð náskyld?

S i g u r ð u r S i g u r ð a r s o n, 22.3.2013 kl. 14:34

4 Smámynd: Samstaða þjóðar

Frammistaða Vigdísar hefur verið frábær allt kjörtímabilið. Bara að við ættum fleirri baráttumenn eins og hana.

Ríkisstjórnin neitar að leggja nokkrar krónur til MND-rannsókna, en alltaf er nóg fjármagn í gæluverkefnin. Hvað ætli stór hluti af þessum 24 milljörðum rati í flokkssjóði Samfylkingar, í gegn um hendir allra þeirra flokks-dindla sem Þróunarstofnun elur?

Loftur Altice Þorsteinsson.

Samstaða þjóðar, 22.3.2013 kl. 15:57

5 Smámynd: Ragnar Gunnlaugsson

Ótrúlegt lið,svo ráðast þessir sömu menn gegn útflutningsatvinnugreinum þjóðarinnar.

Ragnar Gunnlaugsson, 22.3.2013 kl. 16:28

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband