Ríkisstjórnin hefur kostað þjóðina meira en sjálft hrunið

Forsætisráðherra talar eins og áheyrendur hennar hafi enga rökhugsun. Hverjir eru ofurlaunaliðið, fjárglæframennirnir og stóreignaelítan? Nei, hún er vísvitandi að dreifa óhróðri og lygi í þeirri von að sumir sjái ekki í gengum orð hennar.

Er það jafnslæmt að einhverjir skuli hafa há laun og lág laun? Fyrir hverja er það til dæmis slæmt að einhverjir skuli hafa meiri laun en forsætisráðherra? Er það raunverulega slæmt fyrir þjóðfélagið að til séu einhverjir með tvöföld, þreföld eða fjórföld laun hans?

Er það slæmt að einhverjir eigi eignir ... ja, segjum umfram það sem forsætisráðherra á? Er það slæmt að einhverjir séu stóreignamenn, er það glæpur? Er glæpur að eiga stórt hús, mörg stór hús, margar jarðir, togara ...?

Og hverjir eru fjárglæframenn? Nefndu þá með nafni, Jóhanna. Þjóðin er ekki fjölmenn svo það er hægt að undanskilja þúsundir manna? Og þá er það mikilvæga spurningin: Eru fjárglæframenn vondir?

Nei, gott fólk. Jóhanna Sigurðardóttir, forsætisráðherra, er eins og eldfjallið sem gýs ösku út um allar jarðir, öllum til óþurftar. Hún gerir það sama og áróðursmenn allra tíma, býr til ímyndaða óvini, og ætlast til þess að allir gleypi við orðum hennar. Hún vonast til þess að þeir sem hafi rökhugsun þegi og aðrir fagni rétt eins og gestir á uppskeruhátíð Samfylkingarinnar.

Staðreyndin er einfaldlega sú að „keisarinn er nakinn“. Ekkert af viti hefur gengið undan hinni norrænu velferðarstjórn. Þess vegna dreifir frú Jóhanna hatri og lygum út um þjóðfélagið og ætlast til að hinn kunnuglegu orð séu núna orðin að heilögum sannleika. Því fer fjarri. Sá eini sannleikur er til sem blasir við þjóðinni. Þessi ríkisstjórn hefur kostað meira en allt hrunið kostaði þjóðina. Munurinn er bara sá að nú borgar almenningur með eignum sínum, atvinnu sinni og líf sínu. Er ekki nóg komið af norrænni velferð?

Ofurlaunaliðið fær ekki að soga til sín hagvöxtinn

Athugasemdir

[Hrólfur Þ Hraundal, 29.5.2011 kl. 23:22]

Tek undir þetta, Jóhanna er eins og færanlegt eldfjall og framleiðir hörmungar. 

Ég er nokkuð viss um að Jóhanna er vitlausasta kerling Íslandssögunnar, nema ef til hefðu verið nokkrar sem höfðu vit á því að þegja.  

[Elle_, 30.5.2011 kl. 00:47]

Við höfum fyrir löngu fengið nóg af hinni hættulegu Jóhönnustjórn.  Voru það ekki örugglega Jóhanna og co. og Steingrímur sem ætluðu koma ICESAVE yfir okkur með öllum óheiðarlegum ráðum þó við höfum aldrei skuldað það?  Voru það ekki líka þau sem seldu skuldir okkar erlendum vogunarsjóðum svo þeir gætu níðst á okkur??  Ætlar enginn að víkja þeim?  Þau munu aldrei fara sjálfviljug.

[Sveinn Egill Úlfarsson, 30.5.2011 kl. 09:37]

"Ofurlaunaliðið fær ekki að soga til sín hagvöxtinn" segir forsætisljóskan, hvaða hagvöxt? hér mælist varla hagvöxtur og ef það er einhver sem heldur þjóðinni frá hagvexti þá er það ríkisstjórn Jóhönnu Sig.

Þessi trúðasýning hjá Samfylkingunni veldur uppköstum.

[S i g u r ð u r S i g u r ð a r s o n, 30.5.2011 kl. 09:47]

Jóhanna talar um hagvöxtinn eins og krúnudjásn. Og hún á líklega líka ímyndaða stuðningsmenn.