Ógild kosning og ómarktækar niðurstöður

Með þessari hugmynd um að skipað verði stjórnlagaráð þeirra sem náðu kjöri í ógildum kosningum er Hæstarétti í raun sendur fingurinn. Það fordæmi sem ríkisvaldið er nú að skapa er einfaldlega á þá leið að hægt sé að sætta sig við sum lögbrot en önnur ekki.

Þeir tuttugu og fimmmenningar sem hér er um að ræða eru ekki fremri hinum sem buðu sig fram. Kosningin var einfaldlega ógild og niðurstöðurnar eru ómarktækar. 

Ekki kosið til stjórnlagaþings

Athugasemdir

[Flosi Kristjánsson, 24.2.2011 kl. 18:18]

Við skulum bara vona að næstu alþingiskosningar verði ekki með þessu móti! Segjum að flokkur forsætisráðherra þurrkist út en situr áfram af því flokkurinn er að eigin mati bestur :-)

[Þórólfur Sveinsson, 24.2.2011 kl. 18:35]

Markmiðið með sjálfstæðum kosningum til Stjórnlagaþings var að fulltrúarnir hefðu umboð beint frá almenningi, ekki stjórnvöldum. Nú hefur þetta snúist þannig að þeir sem ekki voru kosnir á Stjórnlagaþing vegna þess að kosningin var dæmd ólögmæt, munu endurskoða stjórnarskrána í umboði stjórnvalda ! Þetta klúður ætlar engan enda að taka.

[S i g u r ð u r S i g u r ð a r s o n, 24.2.2011 kl. 18:37]

Mikilvægur punktur, Þórður.

[KRISTJÁN SVEINBJÖRNSSON, 24.2.2011 kl. 18:45]

Hárrett niðurstaða hjá Alþingi enda vildi almenningur þessa leið. Almenningur hefur valið hópinn þó pólitískum fótum hafi verið brugðið fyrir framkvæmdina. Þrátt fyrir margar tilraunir þá hefur alþingismönnum ekki tekist að endurskoða stjórnarskrána vegna flokkshagsmuna, sú leið er því ófær. Hef trú á þessum hópi sem þjóðin kaus þó hinn umdeildi og hagsmunatengdi hæstirettur reyndi að eyðileggja kosninguna. Ósýnileg hagsmunatengsl liggja víða, það hljóta allir að sjá og finna. Er það tilviljun að Sjálfstæðisflokkurinn og Hæstiréttur reyna allt til að stöðva málið? 

[S i g u r ð u r S i g u r ð a r s o n, 24.2.2011 kl. 20:42]

Heyrðu mig nú, Kristján. Þú þetta eru bestu rök sem hægt er að færa fyrir þessari bölvaðri vitleysu.