Gjáin milli ríkisstjórnar og þjóðar

Klúður, í einu orði sagt. Og ábyrgðin er ríkisstjórnarinnar. Þar af leiðandi ber henni að segja af sér. Tvennt styður það. Hið fyrra er pólitískt hjal ríkisstjórnarinnar og meirihluta hans á Alþingi um þörf á breytingu á stjórnarskrá lýðveldisins, rétt eins og hrunið hafi orðið vegna hennar. Hið seinna er getuleysi hennar í að nálgast hinn almenna borgara. 

Ljóst er að tengin ríkisstjórnarinnar og þingmanna hennar við þjóðina er engin, á milli er gríðarleg gjá. Meiri ávirðingu er ekki með réttu hægt að líma á eina ríkisstjórn.

Stjórnlagaþingskosning ógild

Athugasemdir

[corvus corax, 25.1.2011 kl. 16:06]

Gjáin sú arna er orðin svo breið að hún verður ekki brúuð með þessum vinnuflokki sem kennir sig við velferð en er í raun ekkert annað en þjóðernisfélagshyggjuflokks-ríkisstjórn eins og hún getur verst orðið. Við þekkjum dæmi um slíkt í mannkynssögunni ...því miður.

[S i g u r ð u r S i g u r ð a r s o n, 25.1.2011 kl. 16:11]

Alvarlegast er nú að stjórnvöld fóru ekki eftir lögum við framkvæmd stjórnlagaþingskosninganna. Lögbrot má ekki líðast og því ber ríkisstjórninni að fara frá því hún bar ábyrgð á framkvæmdinni.

[Elle_, 25.1.2011 kl. 17:39]

Núverandi rikisstjórn er lögleysustjórn og hefur brotið itrekað gegn þjóðinni: Í EU-umsóknarmálinu braut stjórnin bæði gegn lýðræðinu og stjórnarskránni og það var vegna þess máls sem knýja átti nýja stjórnarskrá sem við þurftum ekki í gegn i jafn óstjórnlegum flýti.  Í ICESAVE hefur stjórnin rembst endalaust við að pína lögleysuna yfir okkur.  Stjórnin ætti að víkja og þó löngu fyrr hefði verið.