Rangir ríkisstjórnarflokkar, röng ríkisstjórn, rangur borgarstjóri ...

Þúsundir Íslendinga kusu rangan flokk í síðustu alþingiskosningum. Þeir sjá nú eftir því að hafa veitt þeim flokkum brautargengi sem þrátt fyrir ríkisstjórnarsetu hafa ekki tekið á avinnumálum landsmanna, hækkað skatta upp fyrir sársaukamörk, þröngvað Icesave samningi upp á þjóðina, troða henni inn í ESB án vilja hennar, komið í veg fyrir atvinnuuppbyggingu og látið gríðarlegt atvinnuleysi viðgangast.

Getum við fengið endurtalningu? Nei, við því er ekki að búast. Hitt ætti þó að vera ljóst að breytingar verða áreiðanlega við næstu kosningar sem vonandi verða fyrr en síðar.

Svo eru það þeir sem kusu Besta flokkinn í síðustu borgarstjórnarkosningum. Brandarinn er orðinn dálítið þreyttur og það viðurkenna fjölmargir kjósendur.

Bara ef hægt væri að endurtaka kosningarnar ... 

Segjast hafa kosið rangan flokk

Athugasemdir

[Laxinn, 24.9.2010 kl. 09:44]

Með jafn þróaða tölvutækni sem nútíminn býður upp á þá er ótrúlegt að hún sé ekki nýtt til að leysa jafn einföld verkefni og kosningar.

[Óskar, 24.9.2010 kl. 14:42]

Hvað var annað í boði ?  Sjálfstæðisflokkurinn ?  Áttum við að kjósa flokkinn sem er valdur að hruninu frá a-ö?  Flokkinn sem er valdur að Icesave skuldinni þegar flokksmenn gáfu flokksmönnum Landsbankann og svo var hann rekinn af sjöllum ?  Áttum við að kjósa flokkinn sem hefur ekkert gert til að axla ábyrgð, á þingi fyrir hann sitja kúlulánaþegar, styrkþegar, skattsvikarar, útrásarsleikjur og dæmdur þjófur.  Þetta villt þú semsagt að við kjósum í staðinn eða hvað ?  Já nei takk!

[Guðrún Emilía Guðnadóttir, 25.9.2010 kl. 11:22]

Ja hérna Óskar, það er aldeilis upptalning á hún bara við um XD fólk.

Hvað mundir þú kjósa í dag?

[S i g u r ð u r S i g u r ð a r s o n, 25.9.2010 kl. 12:30]

Þetta er nú svo vitlaust sem mest má vera, Óskar, og ekki sæmandi fyrir þig að halda þessu fram.