Deponera skv. greiðsluáætlun án gengistryggingar

Í sannleika sagt er það ótrúlegt að Seðlabanki og Fjármálaeftirlit skuli hlutast til um og gefa línuna til fjármálafyrirtækjanna. Það er ekki verkefni þeirra. Ljóst má vera að lántakendur, einn eða fleiri, munu nú stefna fjármögnunarfyrirtækjunum við fyrsta tækifæri og samhliða verður Seðlabanka og Fjármálaeftirliti stefnt þar sem þau hafa skapað sér skaðabótaábyrgð með því að hvetja til þess að ekki verði farið eftir dómi Hæstaréttar.

Þetta er svipað eins og dómsmálaráðuneytið og Fangelsismálastofnun muni ákveða að sýknudómar skipti ekki máli, krafist verður að lögreglan sæki fólk til fangelsisdvalar.

Nú er kominn brýn þörf á biðleik. Ástæða er til að hvetja fólk til að greiða samkvæmt upphaflegri greiðsluáætlun að gengistrygginunni frádreginni, deponera greiðslunni og tilkynna það bréflega til viðkomandi fjármögnunarfyrirtækis. 

Miða við lægstu vexti á hverjum tíma

Athugasemdir

[Gummi Kalli, 30.6.2010 kl. 10:31]

Lögin eru reindar nokkuð skýr hvað þetta varðar og það sem er merkilegt við þessa frétt er að fjármálafyrirtæki skuli þurfa að láta segja sér þetta.

" 18. gr. Ef samningur um vexti eða annað endurgjald fyrir lánveitingu eða umlíðun skuldar eða dráttarvexti telst ógildur og hafi endurgjald verið greitt ber kröfuhafa að endurgreiða skuldara þá fjárhæð sem hann hefur þannig ranglega af honum haft. Við ákvörðun endurgreiðslu skal miða við vexti skv. 4. gr., eftir því sem við getur átt."

og 4 grein kveður á um að:

" skulu vextir vera á hverjum tíma jafnháir vöxtum sem Seðlabanki Íslands ákveður með hliðsjón af lægstu vöxtum á nýjum almennum óverðtryggðum útlánum hjá lánastofnunum".

Því vill ég meina að fólk fari varlega í að áætla að það þurfi ekki að greiða vexti því ekkert var fjallað um það í dómnum, en lögin eru skýr um hvað skal gera ef gengistrygging er dæmd ólögleg.

[Gummi Kalli, 30.6.2010 kl. 10:38]

Annars er ég reindar sennilega að miskilja þetta. Þetta gæti átt við að fjármálafyrirtæki eigi að endurgreiða mér þá fjárhæð sem ég hef ofgreitt ásamt þessum vöxtum. Ég dreg fyrri færslu til baka í bili :)

[S i g u r ð u r S i g u r ð a r s o n, 30.6.2010 kl. 10:41]

Nei, Gummi Kalli. Þú sleppur ekki svona vel Misskilningur á borð við þennan ber gengistryggða dráttarvexti í jenum, pesetum og júönum. Þú skuldar því ríkissjóði slatta í fötu.

[Gummi Kalli, 30.6.2010 kl. 10:50]

Hehe crap.

Ég hef verið að skoða þessi ákvæði nánar, sem að SÍ vísar í í fyrsta punkt í fréttinni og ég tel að það meigi túlka hann á báða vegur.

18 gr getur átt við að það eigi að endurreikna ólöglega vexti eftir 4 gr eða að þá ber kröfuhafa að endurgreiða skuldara þá fjárhæð sem hann hefur þannig ranglega af honum haft ásamt vöxtum skilgreindurm í 4 gr.

Nú væri gott að fá lögfræðiálit á þessari túlkun. Sjálfur er ég tölvunarfræðingur og þar eru hlutirnir bara true eða false :)

[Gummi Kalli, 30.6.2010 kl. 10:50]

En það er ljóst að SÍ notar fyrri túlkun.

[Steinar Immanúel Sörensson, 30.6.2010 kl. 14:52]

Ríkisstjórn sem brýtur vísvitandi á Stjórnarskránni er fallin, henni ber tafarlaust að víkja þvi hún getur ekki haft umboð til að starfa fyrir þjóðina þvi umboðið felst í þvi að starfa skv Stjórnarskránni.

Því er það mitt mat sem lögdindils að Ríkisstjórnin hafi nú með þvi að samþykkja tilmæli Seðlabanka og Fmr sagt af sér