Montkassinn verður ábyggilega flottur

Á tímum þegar mest spurn er eftir verðmætasköpun í landinu þá er verið að klára montkassa af því að það svaraði ekki kostnaði að hætta við hana eða geyma. Kassinn er hrikalegasta minnismerki um bruðl útrásarinnar. Í þokkabót mun rekstur hennar kosta meira en svo að hún geti nokkurn tímann halað inn nema stutt sé við hana með styrkjum frá Reykjavíkurborg og ríkissjóði.

Hefur engum hugkvæmst að nota þessa peninga sem nú fara í montkassann í vegakerfið? Byggja upp ný fyrirætki, lána eða bara styrkja frumkvöðla?

Þjóðin hefur ekki efni á svona kassa. 

Glerjað í líkingu stuðlabergs

Athugasemdir

[Finnur Bárðarson, 29.6.2010 kl. 16:50]

Montkassin það er réttnefni. Hver sinn sem ég sé þessa byggingu dettur mér bara í hug orðin óhóf og glæpamennska

[Dingli, 30.6.2010 kl. 04:33]

Nefndi það við Jens Guð í fyrradag að ég teldi mig vita ráð til þess í Montkassann, (flott nafn) yrði gulleggjum verpt. Segi honum því fyrstum frá(á morgun eða hinn) bestu viðskipahugmynd Íslandssögunnar síðan Einsi Ben seldi norðurljósin.  

[Rafn Haraldur Sigurðsson (IP-tala skráð) 30.6.2010 kl. 10:31]

Jú mér datt í hug  þetta með vegakerfið, en þar sem ég er bara venjulegur almúgamaður sem skilur ekki nauðsyn þess að reisa þetta skrýmsli fyrir  frímiða elítuna sem á eftir koma saman þarna og sötra kampavín og láta sér leiðast á okkar kostnað, þá verður ekki hlustað á það sem ég hef að segja.

[S i g u r ð u r S i g u r ð a r s o n, 30.6.2010 kl. 10:38]

Já, Rafn. Svona er nú lífið. Ef ég væri í frímiðaelítunni, fengi kampavín til að sötra og gæti látið mér leiðast í svona montkassa þá væri ég líklega ekki að skrifa svona pistla heldur fjallaði um adagio og moll hjá heimsfrægum hljóðfæraleikurum - held ég.