Hvað er Ferðamálastofa að gera?

Tveimur mánuðum eftir að gosið á Fimmvörðuhálsi hófs og einum mánuði eftir að Eyjafjallajökul byrjaði hefur greinilega ekkert verið gert í kynningarmálum í útlöndum. Tvær vikur eru síðan ríkisstjórnin ákvað að veita um 350 milljónum króna í markaðsátak erlendis og jafnmikil fjárhæð átti að koma frá einkaaðilum.

Hvað er að gerast? Á að nota vextina af 700 milljónunum í markaðsátakið? Eftir hverju er verið að bíða?

Sé niðurstaðan sú að um 15-30% fækkun sé á útlendum ferðamönnum hér á landi þarf að grípa til alvöru ráðstafana. Staðan er ekki ásættanleg. Útlendingar halda að hér sé ekki hægt að ferðast vegna eldgossins. Þessari skoðun þarf að breyta. Ef Ferðamálastofa og Útflutningsráð geta ekki sinnt þessu einfalda starfi þá þarf að skipta um fólk, breyta um stefnu.


mbl.is Svörtustu spárnar hafa ræst
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigurður Haraldsson

Sigurður það er erfitt að fá fólk hingað þegar askan truflar flug reglulega um alla Evrópu.

Sigurður Haraldsson, 19.5.2010 kl. 21:00

2 Smámynd: S i g u r ð u r   S i g u r ð a r s o n

Nei, nafni minn. Flugið gengur að mestu leyti eðlilega fyrir sig. Hins vegar afpantar fólk ferðir til landsins þar sem eldgosið hefur sett allt á annan endan, að því er það heldur. Þetta er PR mál, ekkert annað.

S i g u r ð u r S i g u r ð a r s o n, 19.5.2010 kl. 21:02

3 Smámynd: Hamarinn

Það er óttinn við að  komast ekki frá landinu á tilsettum tíma, sem fælir ferðamenn frá því að koma hingað.

Það þýðir ekkert að vera með eitthvað átak til þess að auka ferðamannastrauminn.

Hamarinn, 19.5.2010 kl. 22:46

4 Smámynd: S i g u r ð u r   S i g u r ð a r s o n

Færri ferðamenn þýðir einfaldlega minni tekjur í ferðaþjónustunni sem leiðir til aukins atvinnuleysis og þar af leiðandi minni tekjur fyrir ríkissjóð. Það er allt að vinna með réttum aðferðum. Öllu að tapa með aðgerðaleysi eða káki.

S i g u r ð u r S i g u r ð a r s o n, 19.5.2010 kl. 23:28

5 Smámynd: Hamarinn

Óttinn við að komast ekki burt á tilsettum tíma, fælir mest frá. Sama hvað menn auglýsa .

Hamarinn, 20.5.2010 kl. 00:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband